Connect with us

Iyumvire uko Trump atangiye guhindisha imishyitsi amahanga atarakandagira muri white House

izindi nkuru

Iyumvire uko Trump atangiye guhindisha imishyitsi amahanga atarakandagira muri white House

Donald Trump uherutse gutorerwa kuyobora Leta Zunze Ubumwe za Amerika mu myaka ine iri imbere, yatangaje ibintu bitandatu bizabimburira ibindi natangira akazi nk’Umukuru w’iki gihugu, ku isonga harimo no kukivana mu muryango w’Ubukungu w’Ibihugu bikora ku Nyanja ya Pacifique (Trans-Pacific Partnership/TPP).

Image result for donald trump

Uretse kuva muri TPP, Donald Trump yatangaje ko azahita agabanya amabwiriza agenga ubushabitsi, agakuraho azitira mu gutunganya ingufu, azahita kandi ategeka ko hafatwa ingamba zo kurwanya ibitero bikorerwa kuri murandasi, no gukora iperereza ku itangwa rya Visa ridahwitse rituma abakozi badatanga umusaruro ukwiye.

Trump azahita anategeka ihagarikwa ry’imyaka itanu ku muntu wese uva muri Guverinoma akajya kwikorera ubucuruzi.

Mu butumwa bw’amashusho yashyize hanze, Donald Trump yirinze kugaruka kuri gahunda yari igamije kwegereza no kunoza serivisi z’ubuzima, yiswe “Obamacare” ndetse n’iyubakwa ry’urukuta mu Majyepfo ya Amerika ku mupaka wa Mexique, ibi bikaba bimwe mu byo yakunze kugarukaho nk’ibyihutirwa kuri we mu gihe cyo kwiyamamaza.

TPP ni Umuryango w’Ubukungu w’Ibihugu 12 bikora ku Nyanja ya Pacifique birimo u Buyapani, Malaysia, Australia, New Zealand, Canada na Mexique ariko hatarimo u Bushinwa.

Uwo muryango ugize 40% by’ubukungu bw’Isi yose, wumvikanyweho mu 2015, ariko amasezerano awugize ntaratangira gushyirwa mu bikorwa. Washyizweho ugamije kuvanaho inzitizi mu iterambere ry’ubukungu bw’ibyo bihugu, ariko bamwe mu batawushyigikiye bakavuga ko ibiganiro biwushinga byagiye bikorwa mu bwiru.

BBC dukesha iyi nkuru itangaza ko inama y’Umuryango w’Ibihugu bya Asia bihuriye ku Nyanja ya Pacifique yateraniye muri Peru mu mpera z’icyumweru gishize, yemeje ko bazakomeza kubahiriza amasezerano yo koroshya ubucuruzi batitaye ku kuba Donald Trump atabishyigikiye.

Icyakora kuwa Mbere w’iki cyumweru, Minisitiri w’Intebe w’u Buyapani, Shinzo Abe, yatangaje ko amasezerano y’ubucuruzi muri TPP ntacyo yaba avuze mu gihe Amerika yaba itayarimo.

Donald Trump watorewe kuyobora Amerika ahigitse Hillary Clinton mu matora yo kuwa 8 Ugushyingo 2016, icyumweru gishize yakimaze yegeranya ikipe azakorana na yo mu butegetsi bwe ahereye ku nkoramutima ze.

Muri aya mashusho yatangaje ko “mu kuri abantu bakomeye kandi bafite impano, bakunda igihugu arimo kubazana, ndetse bidatinze hari n’abandi bazaba bari mu bagize Guverinoma ye.”

Umwe mu bitezwe mu myanya y’Ubutegetsi ni Senateri wo muri Alabama, Jeff Sessions, wabaye umucamanza akaza gukurwaho mu 1986 azira irondaruhu, uyu akazaba ayoboye urwego rw’Ubutabera.

 

Donald Trump yatangaje ko nagera muri White House bwa mbere azahita akura Leta Zunze Ubumwe za Amerika mu muryango w’Ubukungu w’Ibihugu bikora ku Nyanja ya Pacifique

 

Continue Reading
Advertisement
You may also like...

Click to comment

Leave a Reply

Your email address will not be published. Required fields are marked *

More in izindi nkuru

Izo twabahitiye mo

Advertisement

Top 5

indirimbo

Sukuma by Shaffy

By September 11, 2019

indirimbo

Sibo by Oda Paccy

By September 11, 2019

indirimbo

Ndi kumwe nawe by BIGGY SHALOM

By September 1, 2019

indirimbo

Byakoroha by Nel Ngabo

By August 24, 2019

Facebook

To Top