Inyuguti ya R! Amazina y’umwana wa Rihanna aherutse kwibaruka yatangiye kunugwanugwa

Inyuguti ya R! Amazina y’umwana wa Rihanna aherutse kwibaruka yatangiye kunugwanugwa.

Robyn Rihanna Fenty wamamaye nka Rihanna, yibarutse umwana wa kabiri yabyaranye n’umuraperi A$AP Rocky bamaze igihe bakundana kandi babana.

TMZ yavuze ko uyu mugore amaze iminsi itari myinshi yibarutse umwana w’umuhungu.

Ikomeza ivuga ko yibarutse mu ntangiro z’uku kwezi ariko we na A$AP Rocky bagahitamo kubigira ubwiru bukomeye.

Iki kinyamakuru cyahawe amakuru n’umuntu wa hafi y’uyu muhanzikazi ko yabyariye mu Mujyi wa Los Angeles muri Amerika, ku wa 3 Kanama 2023. Ntabwo izina ry’umwana we riramenyekana ariko amakuru ahari avuga ko ritangirwa n’inyuguti ya “R”.