THIERRY Mugiraneza
Cristiano Ronaldo yagarutse mu myitozo ya Manchester United kuri uyu wa kabiri nyuma y’ibihano by’iminsi itanu byo kwitozanya n’abana yari yarafatiwe.
Mu gitondo cyo kuri uyu wa kabiri Cristiano Ronaldo yitabiriye imyitozo nyuma y’ibihano by’iminsi itanu yari yarahawe kubera kwanga kujya mu kibuga ku mukino ikipe ye yatsinzemo Tottenham Hotspur Ibitego bibiri ku busa mu cyumweru gishize.
Ten Hag yaje ku mufatira ibihano byo kutagaragara ku mukino Manchester United yakinnyemo na Chelsea ku wa gatandatu ushize ndetse banamuhanisha kujya kwitoza mu ikipe ya kabiri.
Ronaldo nyuma yo kugaruka mu myitozo y’ikipe ya mbere biteganyijweko ku wa kane azakina umukino ikipe ye ifitanye na Sheriff Triaspol ku kibuga cya Manchester United “Old Trafford mu irushanwa rya EUFA Europe League.
