HARAGIRIMANA Dieudonne
Umuhanzi Bruce Melodie uri kubarizwa muri Leta Zunze Ubumwe za Amerika yakoranye indirimbo n’umuhanzi w’umunya-Nigeria Patoranking uheruka i Kigali n’ubwo bizasaba ko bongera kuyisubiramo bari mu gihugu cya Nigeria.
Ubwo Patoranking aheruka mu Rwanda ku wa 11 Ugushyingo 2023, aho yaririmbye mu birori bya African Leadership Network byabereye muri Kigali Conference and Exhibition Village ahazwi nka Camp, yanakoranye indirimbo na Bruce Melodie.
Umwe mu bareberera inyunguza Bruce Melodie, yavuze ko Patoranking yavuye mu Rwanda akoranye indirimbo na Bruce, ariko ko batishimiye urwego iriho, bemeza ko bazajya muri Nigeria kuyikorerayo kugirango igere ku rwego aba bahanzi bombi bifuza.
Yavuze ati “Mu gihe Patoranking yari mu Rwanda bakoranye indirimbo, ariko twasanze itari ku rwego rwiza, duhitamo ko Bruce azajya muri Nigeria kugirango bayirangize neza isohoke nk’uko buri wese abishaka.”
