Harimo amasura mashya! Ihere ijisho urutonde rw’abakinnyi umutoza w’Amavubi yahamagaye, urabona bazatanga umusaruro?

Umutoza w’Ikipe y’Igihugu “Amavubi”, Frank Spittler Torsten, yashyize ahagaragara urutonde rw’agateganyo rw’abakinnyi 37 bazitabira umwiherero wo kwitegura imikino ibiri y’umunsi wa Gatatu n’uwa kane mu gushaka itike y’igikombe cy’Isi cya 2026 u Rwanda ruzasuramo Bénin na Lesotho muri Kamena uyu mwaka.

Ku mugoroba wo kuri uyu wa Gatanu, tariki ya 10 Gicurasi 2024, ni bwo Ishyirahamwe ry’Umupira w’Amaguru mu Rwanda (FERWAFA) ryashyize hanze urutonde rw’abakinnyi bahamagawe.