Hamenyekanye akayabo Rayon Sports igiye gutanga kuri rutahizamu w’igihangange bamaze kumvikana

Nyuma y’uko Rayon Sports itengushywe na ba rutahizamu bayo isanganwe barimo Boubakar Traoré, Mussa Camara, Mussa Esenu n’abandi, kuri ubu bamaze gutera indi ntambwe iganisha kugusinyisha rutahizamu w’umunye-Uganda ukinira KCCA.

Muhammad Shaban w’imyaka 24 ni we uri mu biganiro n’iyi kipe ikunzwe na benshi mu Rwagasabo.

Uyu rutahizamu yakiniye amakipe atandukanye arimo Onduparaka, Vipers zo muri Uganda, Raja Casablanca yo muri Maroc na KCCA akinamo magingo aya.

Shaban kandi yakiniye ikipe y’igihugu ya Uganda Cranes guhera muri U-17 kugeza no mu ikipe nkuru, aho amaze kuyikinira imikino 12. Muri yo, nta gitego yari yayitsindira, gusa yatanze umupira umwe uvamo igitego.

Uyu musore bivugwa ko yamaze gushimwa ndetse no kumvikana na Rayon Sports ku kuba yayerekezamo mu kwezi kwa mbere bikaba bivugwa ko ashobora gutangwaho arenga miliyoni 12 z’Amanyarwanda agasinya umwaka n’igice. Gusa, Rayon Sports isabwa kuganira na KCCA kuko yari yayisinyiye amasezerano y’umwaka umwe, bityo akaba asigajemo amezi arenga atandatu.

Muri shampiyona y’ikiciro cya mbere hano mu Rwanda, ikipe ya Rayon Sports ifite amanota 18 mu mikino irindwi imaze gukina, ikaba yaratsinze imikino itandatu itsindwa umukino umwe wa Kiyovu Sports.

Written by Muhirwa Serge

Niba inkuru ikubangamiye wampamagara
Tel : +250781685772

Subscribe
Notify of
guest
0 Comments
Inline Feedbacks
View all comments

Amakosa ukwiye kwirinda gukora igihe ugiye guhura n’umukobwa ukunda ku nshuro ya mbere

Mu mafoto ibyaranze ibirori by’akataraboneka byo gufungura igikombe cy’isi cya 2022