Gakenye: Habereye impanuka iteye ubwoba y’imodoka itwara abagenzi n’indi itwara kontineri zagonganye kuburyo bukomeye -AMAFOTO

Mu Murenge wa Kivuruga mu Karere ka Gakenke, habereye impanuka y’imodoka y’ikamyo yagonganye na Ritco hakomereka abantu babiri.

Imodoka ya Ritco, yari iturutse i Kigali, yerekeza i Musanze, yagonganye n’iyo kamyo itwara imizigo, yo mu gihugu cya Tanzania kimwe n’umushoferi wayo wo muri Tanzania.

Ikamyo yavaga i Musanze yerekeza i Kigali, biviramo abantu babiri gukomerekera muri iyo mpanuka ndetse imodoka zombi zirangirika bikomeye igice cy’imbere, zinafunga igice kimwe cy’umuhanda.

Iyi mpanuka yabaye ku wa Gatatu tariki 8 Gashyantare 2023, ubwo izi modoka zombi zari zigeze mu makorosi y’umuhanda wa kaburimbo mu Mudugudu wa Bigogwe, Akagari ka Gasiza.