THIERRY Mugiraneza
Ikipe ya Manchester City yatsinze ikipe ya Burnley ibitego 3-0 mu mukino ufungura shampiyona y’ikiciro cya mbere mu Bwongereza ( Premier League) umwaka w’imikino 2023-2024.
Kuri uyu wa Gatanu, saa Tatu z’ijoro kuri sitade y’ikipe ya Burnley, iyi kipe yari yakiriye Manchester City yatwaye Igikombe cya shampiyona giheruka.
Burnley yazamutse mu kiciro cya mbere uyu mwaka yaje guhabwa gutsindwa igitego cya mbere cyatsinzwe na Erling Braut Haaland ku munota wa 3 ahawe umupira na Rodrigo.
Ku munota wa 36 Erling Braut Haaland yatsinze igitego cya Kabiri ahawe umupira na Julian Alvarez.
Ku munota wa 74, nyuma ya “Coup-Franc” yari ikorewe Erling Braut Haaland, Phil Foden yazamuye umupira mwiza maze ba myugariro ba Burnley bananirwa kuwukuraho mbere gato y’uko Rodrigo Hernandez aza asongamo akandika igitego cya 3 cya Man City.
Manchester City isozwa umukino itsinze ibutego 3-0 bwa Burnley.
