Geovanis
Tariki ya 14 Ukwakira ni bwo Adil yamenyeshejwe ko yahanishijwe ukwezi ashinjwa guteza umwuka mubi mu ikipe no guhindanya isura yayo.
Uyu mutoza wijunditse ubuyobozi avuga ko yahagaritswe binyuranyije n’amategeko yahise yerekeza iwabo.
Impamvu iki kibazo gikomeye ni uko mu gihe impande zombi zakwitabaza inzira y’amategeko, APR FC iramutse itsinzwe yacibwa miliyoni 570 Frw.
Iminsi y’igihano ku mutoza wa APR FC yararangiye gusa ariko ntabwo uyu mutoza yongeye kugaruka kubera ko yasize yemeje ko bazakizwa n’inkiko ariko kubera ko APR FC itari yaregwa, bari bategereje umukozi wabo.
Impamvu za mbere zirimo gutuma APR FC itegera umutoza Adil ngo bakemure ikibazo, ni uko bizeye umunyamategeko uturuka mu bubirigi uzobereye ibintu by’umupira w’amaguru ndetse bakaba bitwaza ko bagomba guhana umukozi wabo uko bashaka mu gihe yaba yakoze amakosa.
