Connect with us

YEGOB|Entertainment News

Dore icyo Miss Jolly agiye gukora muri USA

Featured

Dore icyo Miss Jolly agiye gukora muri USA

Nyampinga w’u Rwanda Mutesi Jolly yerekeje i Los Angeles muri Leta Zunze Ubumwe za Amerika (USA), guhagararira u Rwanda mu iserukiramuco ryateguye n’ihuriro ry’Abanya-Uganda batuye muri Amerika ya ruguru “Uganda Festival in Los Angeles”.

Kuri uyu wa Kane tariki ya Mbere Nzeli 2016, nibwo Miss Mutesi Jolly yafashe rutemikirere yitabira iserukiramuco rizamara iminsi itatu kuva kuri uyu wa 2-4 Nzeli 2016, ribera muri JW Marriot Hotel, mu Mujyi wa Los Angeles.

Iri serukiramuco rizitabirwa na ba Nyampinga batanu, Miss Mutesi akazagaragaza isura y’ubukerarugendo bw’u Rwanda.

Miss Mutesi yatangaje  ko agiye yiteguye neza guhagararira u Rwanda no kurugaragaza neza nk’Umunyarwandakazi witwaje indangagaciro nk’intwaro ikomeye.

Yashimangiye ko ari umwanya ukomeye wo kugaragaza ko mu Rwanda hari byinshi abakerarugendo bahasura bitari ingagi zo mu misozi gusa.

Yagize ati “ Ngiye kuvuga ku bukerarugendo bw’u Rwanda, niwo mushinga namuritse ko nzakurikirana. Ibyo ngiyemo ni ukwereka amahanga ko ubukerarugendo bazi atari ingagi gusa dufite mu Rwanda, ahubwo hari ibindi bitandukanye ngomba kumurikira amahanga.”

Miss Mutesi azifashisha filimi mbarankuru mu gusangiza ubumenyi abanyamahanga no kubereka ko uretse ingagi zo mu misozi mu Rwanda hari ubuvumo, ibihingwa nk’icyayi n’ibindi bikurura ba mukerarugendo.

Mu bandi bakobwa batumiwe muri iri serukiramuco harimo Miss Uganda, Zahara Mohammed Nakiyaga, Miss Kenya, Charity Njeri Mwangi; Miss Universe Tanzania, Lorraine Marriott na Nyampinga wa Ethiopia, Kisanet Teklehaimanot.

Muri iri serukiramuco rigiye kuba ku nshuro ya 28 hatumiwemo abahanzi bakomeye muri Uganda barimo Sheebah Karungi, David Lutalo, Winnie Nwagi, Desire Luzinda n’abandi.

 

Source : IGIHE
Continue Reading
Advertisement
You may also like...

Click to comment

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

My Routine by Random

By June 3, 2019

indirimbo

Kankora ahantu by Passy

By May 21, 2019

indirimbo

Urakwiriye by Official Yvette

By May 19, 2019

indirimbo

Zirayumvira by Zawadi

By May 19, 2019

Facebook

To Top