Aphrodis Nizeyimana
Umunyamakuru ukomeye cyane hano mu Rwanda Rigaju Reagan ukorera radio na televiziyo by’igihugu yatangaje amakuru avuga uburyo yahembwe n’abakunzi b’ikipe ya Kiyovu Sports nyuma yo gutsinda ikipe ya Musanze.
Reagan ubwo yari mu kiganiro urubuga rw’imikino kuri radio Rwanda yasengeye ikipe ya Kiyovu Sports ayisabira gutwara igikombe cya Shampiyona y’u Rwanda imaze imyaka myinshi cyane idakozaho imitwe y’intoki ibi abakunzi b’ikipe ya Kiyovu Sports barabimwituye ku munsi w’ejo ubwo bakuraga intsinzi mu karere ka Musanze.
Kiyovu Sports nyuma yo gutsinda ikipe ya Musanze FC igitego kimwe ku busa abafana bayo bishimiye intsinzi ku buryo buhambaye maze bamwe bapfunyika akavagari k’amafaranga umunyamakuru Reagan Rigaju wabasengeye kugira ngo bagere kuri iyo ntsinzi yifuzwaga na buri mukunzi wa Kiyovu Sports.
Ibi Reagan yabitangaje ubwo yari mu kiganiro urubuga rw’imikino kuri radio Rwanda ari kumwe na bagenzi be aribo Rigoga Ruth hamwe na Kwizigira Jean Cloude.
