Amakuru meza ku bafana n’abakunzi ba Cristiano Ronaldo bari bafite ubwoba bw’akazoza ke mu ikipe y’igihugu

Nyuma yo gusezererwa muri 1/4 mu gikombe cy’isi, Cristiano Ronaldo ntabwo agiye gusezera mu ikipe y’igihugu ya Porutugali nkuko abantu bamwe bari babyiteze.

Amakuru dukesha ikinyamakuru Correio da Manhã cyandikirwa muri Portugal, cyemeza ko Cristiano Ronaldo atazasezera mu ikipe y’igihugu ya Porutugali ahubwo ko azakomeza kuyikinira ndetse akanayiha ikintu gikomeye.

Correio da Manhã ikomeza ivuga ko Cristiano Ronaldo azakomeza gukinira ikipe y’igihugu ya Porutugali byibuza kugeza mu gikombe cy’i Burayi (EURO 2024) kizaba muri 2024.

Biteganyijwe ko Cristiano Ronaldo azaba ayoboye ikipe ya Porutugali izitabira EURO 2024 izaba mu mpeshyi ya 2024 mu gihugu cy’u Budage.