AMAFOTO: Iyi myambarire ntisanzwe hari abaje bambaye nk’abakanishi abandi baza bambaye nk’abamotari reba imyambarire abanyamakuru ba RADIOTV10 baje mu kiganiro bambaye

Abanyamakuru b’imikino kuri Radio 10 mu kiganiro “Urukiko” bavugishije abatari bake nyuma yo gukora ikiganiro cyo ku wa 23 Ukuboza 2022 bambaye bidasanzwe.

Abarimo Biganiro Antha, Hitimana Claude, Mugenzi Faustin ‘Faustinho’ n’abandi banyamakuru bo kuri iyi radio muri siporo, bakoreye iki kiganiro kuri ‘piscine’ ku wa Gatanu, bambaye imyambaro itamenyerewe muri uyu mwuga.

Muri iki kiganiro cyakozwe mu rwego rwo gushimira abafatanyabikorwa iyi radio yagize mu Gikombe cy’Isi cya 2022, Antha Biganiro yari afite ibyuma byifashishwa mu bukanishi bw’ibinyabiziga.

Hitimana Claude yari yambaye nk’umukinnyi usiganwa ku magare, Uwizeyimana Sylvestre ‘Wasili’ yambaye nk’umwubatsi mu gihe Mugenzi Faustin ‘Faustinho’ yari yambaye nk’umushumba afite n’inkoni.