HARAGIRIMANA Dieudonne
Ikipe ya PSG nyuma yo gushora Miliyoni zirenga 400 ku bakinnyi babiri aribo Neymar Jr na Kylian Mbappe muri iyi mpeshyi, muri iyi minsi abakinnyi bakomeye berekeje mu makipe yabo y’ibihugu gushaka itike yo kuzakina igikombe cy’isi kizabera mu burusiya mu mwaka utaha wa 2018. Gusa abakinnyi bakomeye b’ikipe ya PSG bakaba bahahuriye n’akaga nyuma yo kuvunikira muri iyi mikino.
Amakuru dukesha ikinyamakuru L’Equipe aravuga ko abakinnyi Angel Di Maria na Tiago Silva bavunikiye mu mikino yo gushaka itike yo kwerekeza mu gikombe cy’isi mu makipe yabo y’ibihugu kuburyo bashobora kuzamara igihe kigera ku mezi abiri badakandagira mu kibuga. Ni mu mikino ibiri, uwahuje Argentina na Venezuela ndetse n’uwahuje Brasil na Colombia aho aba bakinnyi bavunikiye. Iyi kipe ikaba ihuye n’ikibazo gikomeye cyo gutakaza aba bakinnyi.
