Dore ubugambanyi bwindengakamere Lionel Messi yakoreye umukinnyi ukomeye wa Arsenal bikamubuza kwerekeza mu ikipe ya Fc Barcelona

Ikipe ya Fc Barcelona yakomeje kugorwa bikomeye n’isoko ry’abakinnyi ryo muri iyi mpeshyi nyuma yo gutakaza umukinnyi Neymar Jr, Iyi kipe yibujije kugura umukinnyi Paul Dybala w’ikipe ya Juventus nkuko twabibagejejeho mu nkuru yacu iheruka Fc Barcelona yatangaje impamvu yanze gusinyisha uyu mukinnyi ukomeye bibabaza abafana bayo, gusa nyuma yuko iyi kipe yabuze uko igura Philippe Coutinho yahise ishaka kugura umukinnyi w’ikipe ya Arsenal nabyo biza kwanga ku munota wa nyuma.

Amakuru azindukiye ku kinyamakuru Marca aravuga ko ubuyobozi bw’ikipe ya Fc Barcelona bukimara kubona ko butazigera bugura Philippe Coutinho muri iyi mpeshyi bwahise butangira ibiganiro n’ubuyobozi bw’ikipe ya Arsenal kugirango barebe uko bagura umukinnyi wo hagati waciye no mu ikipe ya Real Madrid, umudage Mesut Ozil gusa nyuma yuko bari bamaze kwemeranywa kumutangaho Miliyoni 40 z’amayero, Lionel Messi kizigenza w’iyi kipe yahise aca ruhinga nyuma abwira ubuyobozi ko atifuza gukinana na Mesut Ozil bityo akaba adashaka ko bamugura muri Fc Barcelona. Yabasabye gutegereza isoko rigufi ryo mu kwa mbere kugirango bazabe bashakisha umukinnyi mwiza waza kuziba icyo cyuho ariko batihutiye kugura Mesut Ozil usigaye agaragaza imikinire iciriritse bitewe nuko yari asanzwe yitwara. Ni mu gihe amasezerano ya Mesut Ozil mu ikipe ya Arsenal azarangira mu mwaka utaha wa 2018.