Aphrodis Nizeyimana
AFCON 2023: DR Congo yahawe isomo n’ikipe y’igihugu ya Afurika y’Epfo iherutse gutsindwa n’Amavubi ibitego bibiri ku busa.
Mu ijoro rya cyeye nibwo habaye umukino w’ishiraniro wahuje ikipe y’igihugu ya Repubulika Iharanira Demokarasi ya Congo n’ikipe y’igihugu ya Afurika y’Epfo aho amakipe yombi yahataniraga kwegukana umwanya wa gatatu mu gikombe cy’Afurika kiri kubera muri Côte D’Ivoire.
Iminota 90 y’umukino yarangiye amakipe yombi ananiwe kwisobanura biba ngombwa ko hitabazwa penaliti zitigeze zihira abasore b’ikipe y’igihugu ya Repubulika Iharanira Demokarasi ya Congo.
Afurika y’Epfo iherutse gutsindwa n’Amavubi ibitego bibiri ku busa mu mikino yo gushaka itike y’igikombe cy’Isi yegukanye umwanya wa gatatu itsinze penaliti 6 kuri 5 za DR Congo.
Umukino wa nyuma w’igikombe cy’Afurika uraba uyu munsi tariki 11 Gashyantare ukaba urahuza ikipe y’igihugu ya Côte D’Ivoire n’ikipe y’igihugu ya Nigeria.
