HARAGIRIMANA Dieudonne
Abakinnyi bakomeye mu ikipe ya Manchester City ari bo Gabriel Jesus na Kyle Walker basanzwemo icyorezo cya Covid-19 n’abandi bakozi bayo babiri banduye iyi Coronavirus.
Aba bose bagomba guhita bishyira mu kato bagakurikiranwa n’inzego z’ubuzima mu kwirinda ko hagira undi banduza.Kuba Gabriel Jesus na Kyle Walker basanzwemo Covid-19 bivuze ko bashobora kutazagaragara ku mukino iyi kipe izahuramo na mukeba wayo basangiye umujyi, Manchester United, muri ½ cya Carabao Cup uzakinwa tariki ya 6 Mutarama 2021, kuko bagomba guhita bajya mu kato k’iminsi icumi.
Ibi bibaye mu gihe Manchester City ifite umikino kuri uyu wa Gatandatu wa shampiyona izahuramo na Newcastle United mu gihe izanahura na Chelsea tariki ya Gatatu Mutarama 2021, bivuze ko aba bakinnyi bazaba bakiri mu kato.
