Abajura bibye moto maze bajya kuyihisha mu gihuru

Mu karere ka Rusizi haravugwa inkuru y’abasore 2 bafungiwe kuri sitasiyo ya RIB ya RIB ya Kamembe, bakekwaho kwiba moto mu mujyi wa Rusizi.

Iyi moto yibwe kuri mu masaha ya saa cyenda z’urukerera zishyira iki cyumweru tariki ya 19 Werurwe, nibwo abajura 2 baje kuri Sitasiyo ya Essence yitwa KARAN Petroleum, bakahatwara moto TVS RE 704 U.

Aba bayibye bagiye kuyihisha mu gihuru mu mudugudu wa Nyagatare, akagari ka Shagasha,umurenge wa Gihundwe muri aka karere, bagafatwa ku bufatanye bwa polisi n’abaturage bayihaye amakuru, aba bakekwaho kuyiba bakaba bamenyekanye kubera kamera z’umutekano ziri kuri iyi Sitasiyo ya Essence.