Uwaje aje kwiba ibigori mu murima  bamukubise bamwiciramo

Umushumba wari urinze umurima w’ibigori arakekwaho gukubita inkoni mu mutwe umugabo bikekwa ko yari aje kubyiba, bikamuviramo urupfu.

Ibi byabaye mu gitondo cyo kuri uyu wa Mbere, mu Karere ka Rutsiro, mu Murenge wa Nyabirasi, Akagari ka Mubuga, ho mu mudugudu wa Rushubi.

Biravugwa ko ukekwaho gukubita umuntu inkoni agapfa asanzwe ari umushumba, ariko akarinda n’ibigori by’uwitwa Sekaderi ari naho yarwaniye na nyakwigendera bikamuvuramo gupfa.

Polisi yafashe ukekwaho gukubita uriya muntu, akaba afungiye kuri Station ya Polisi ya Kivumu mu gihe iperereza rikomeje.

Ivomo:UMUSEKE.rw