Social Mula
Ku gicamunsi cy’ejo ku wa Gatatu tariki 29 Werurwe 2023 Saa Cyenda z’amanywa Ikipe y’Igihugu Amavubi izacakirana na Benin mu mukino w’umunsi wa kane w’itsinda rya 12 ‘L’ mu gushaka itike y’Igikombe cy’Afurika cya 2024 kizabera mu gihugu cya Cote D’Ivoire.
Umukino ubanza wabereye i Cotonou ku wa Gatatu tariki 22 Werurwe 2023, amakipe yombi yagabanye amanota nyuma yo kunganya igitego kimwe kuri kimwe, aho igitego cy’Amavubi cyatsinzwe na Mugisha Gilbert usanzwe ukinira Ikipe y’Ingabo z’Igihugu.
Urutonde rw’abakinnyi 11 b’Amavubi umutoza Carlos Alos Ferrer azabanzamo
Umuzamu : Ntwari Fiacre
Ba myugariro : Omborenga Fitina, Imanishimwe Emmanuel ‘Mangwende’, Manzi Thierry na Mutsinzi Ange Jimmy.
Abo hagati : Bizimana Djihad, Rubanguka Steve na Muhire Kevin.
Ba rutahizamu : Mugisha Gilbert, Meddie Kagere © na Raphael York.
Mu itsinda L ikipe y’Igihugu ya Senegal iri ku mwanya wa mbere n’amanota 6, Mozambique ifite amanota ane aho zombi zimaze gukina imikino ibiri gusa, mu gihe Amavubi afite amanota abiri, Benin ni iya nyuma n’inota rimwe.
