Urugamba rukomeye rwatangiye hagati ya Real Madrid na Fc Barcelona ku mukinnyi ukomeye

Mu gihugu cya Espagne amakipe ari guhatanira bikomeye igikombe cya champiyona cy’uyu mwaka akaba yatangiye kurambagiza abakinnyi azifashisha muri Saison itaha. Nkuko bisanzwe bimenyerewe aya makipe ntajya arwanira cyane abakinnyi kuko adafite imikinire imwe, ariko iyo bigeze aho gushaka umukinnyi umwe biba bikomeye, ni kubwizo mpamvu rero urugamba rukomeye rwo gushaka kuzana myugariro ukinira ikipe ya Arsenal Hector Bellerin umunya Espagne w’imyaka 22.

Uyu mukinnyi myugariro w’ikipe ya Arsenal, amakuru dukesha ikinyamakuru Marca aravuga ko aya makipe yombi yatangiye kohereza abayahagarariye kujya kuneka imikinire ye ndetse no gutangira kwegera umuhagarariye mu mategeko, ndetse n’ubuyobozi bw’ikipe ya Arsenal kugirango bumvikane ku giciro cye ndetse babe banamugura mu mpeshyi iri kuza. Uyu mukinnyi nkuko tubikesha The evening standard kandi akaba ahagaze akayabo ka Miliyoni 50 z’amayero ku ikipe yose yifuza kumukura Emirates.