Umuzamu wakiniye amakipe akomeye mu Rwanda nyuma yo kubura ikipe yahisemo gusinyira iyo mu Cyiciro cya Kabiri

Umuzamu Bate Shamiru uheruka gutandukana na AS Kigali yamaze gusinyira ikipe ya AS Muhanga ibarizwa muri shampiyona y’Icyiciro cya Kabiri mu Rwanda.

Uyu muzamu wakiniye amakipe arimo Espoir FC, Kiyovu Sports na AS Kigali yahisemo kwerekeza mu ikipe yo mu Cyiciro cya Kabiri nyuma yo kubura ikipe yo mu Cyiciro cya Mbere asinyira.

Uyu muzamu yitezweho kuzafasha AS Muhanga kugaruka muri shampiyona y’Icyiciro cya Mbere nyuma yo kubigerageza umwaka ushize w’imikino ariko bikarangira iviriyemo muri 1/2 aho yakuwemo na Rwamagana City FC.