Umuraperi Ishi Kevin yakuwe ku rubyiniriro atarangije kuririmba ahita akora ibidasanzwe

Umuraperi Ishi Kevin, umwe mu bari batumiwe mu gitaramo Drip City Concert yaje gukora agashya acomora ibyuma byasakazaga amajwi muri icyo gitaramo.

Ishi Kevin ni we muhanzi w’umunyarwanda wagiye ku rubyiniriro nyuma y’abandi bose, yageze ku rubyiniriro amasaha yagiye kugeza n’aho yaje gukurwa ku rubyiniriro atarangije kuririmba.

Ish Kevin wari wishimiwe n’abafana, ubwo yari ari kuririmba microphone yakoreshaga yaje kuvaho, maze na we akurwa kurubyiniriro. Ibintu Ish Kevin atakiriye neza, aho yahise na we acomora ibyuma byasakazaga amajwi.

Lion Manzi waje gusobanurira abafana ibibaye kuri Ish Kevin, yatewe amacupa n’abafana bamuvugiriza induru ari nako basaba ko Ish Kevin agaruka.

Kera kabaye, Umuraperi Ishi Kevin yaje kongera kugarurwa ku rubyiniriro asoza ibyo yari yatangiye. Ishi Kevin yari yishimiwe n’abafana mu buryo budasanzwe.