Uwihirwe
Umukobwa w’imyaka 16 yiyahuye mu mazi ku murambo we basanga hari amagambo yanditse ku kuboko kwe
Umukobwa uri mu kigero cy’imyaka 16 birakekwa ko yiyahuye mu cyuzi cya Nyamagana giherereye mu mudugudu wa Nyamagana mu kagari ka Kavumu mu murenge wa Busasamana mu karere ka Nyanza.
Ubuyobozi buvuga ko ahagana mu masaha ya 5:30 za mu gitondo, hari umugore watanze amakuru avuga ko abonye umuntu yinaga mu cyuzi cya Nyamagana, uwo mugore yavuze ko yabonye yinagamo ku bushake.
Umurambo w’uyu mwana w’umukobwa bawusanze ku nkombe ziki cyuzi, ndetse bahise batabaza RIB umurambo ujyanwa ku bitaro gukorerwaho isuzuma.
Ubwo bamugeragaho basanze ku kuboko kwe handitseho amagambo bikekwa ko yayanditse mbere y’uko yiyahura gusa ntibabashije kuyasoma kuko yari yasibamwe.
Kugeza ubu imyirondoro y’uyu mwana ntiramenyekana ndetse RIB ikomeje iperereza ngo imenye icyaba cyateye uyu mwana kwiyahura.
Ibibazo bikomeje kwiyongera niyo mpamvu no kwiyahura bibaye byinshi