Umukinnyi wa filime Jonathan yatawe muri yombi

Umukinnyi wa filime muri Leta Zunze Ubumwe za America Jonathan Majors wamamaye muri filime  “Creed III ” yatawe muri yombi kuwa gatandatu tariki 25 Werurwe 2023 azira ihohotera yakoreye umugore w’imyaka  30 yakubise agakomeretsa byoroheje.

Inkuru dukesha ikinyamakuru cbs news ivuga ko uyu mugabo w’imyaka 33 yakoreye iki cyaha mu rugo rwe kuwa gatandatu mu gitondo muri Leta ya New York City ,,aho polisi yahamagawe hagana saa tanu n’iminota 14 z’amanywa ibwirwa ko uyu mugore yakubiswe akanaharabikwa na Majors.

Majors akaba yahise atabwa muri yombi mu gihe iperereza ku byaha akurikiranyweho rigikomeje , kugeza ubu umugore bivugwa ko yahohoteye we akaba arikuvurwa ibikomere byoroheje afite ku mutwe no ku ijosi.