Amashusho y’indirimbo “Dai Dai,” y’umukino w’Igikombe cy’Isi wa FIFA 2026 yinjiye mu mateka nyuma yo kurenga miliyoni 300 z’abayireba kurubuga rwa YouTube mu gihe cy’ukwezi kumwe gusa nyuma yo gusohoka, bituma iba iyambere yasohotse mu mwaka wa 2026 igera kuri urwo rugero. Aya mashusho, yafatiwe mu mujyi wa Miami muri Leta Zunze Ubumwe za Amerika, yasohotse ku itariki ya 23 Gicurasi 2026. Iyi ndirimbo ihuza uburyo bwa muzika ya Afrobeats n’ubwa Latin, kandi yanditswe mu ndimi eshanu, bituma abayikunda baturuka impande zose z’isi bayisanga.
Uretse gusa abarebye amashusho yayo, iyi ndirimbo yamaze kandi kurenga (streams) miliyoni 500 ku mbuga zitandukanye za muzika, kandi izwi cyane mu bihugu birenga 56 ku isi.
Amashusho arimo kandi n’abakinnyi bumupira bazwi ku isi nka Lionel Messi, Kylian Mbappé na Erling Haaland.
Kugira ngo iri hame ry’amateka ryuzure, Shakira azaba umwe mu bazatumbagira igitaramo cyo hagati mu mukino wa nyuma w’igikombe cy’Isi, kizabera i MetLife Stadium ku itariki ya 19 Nyakanga, ajyanye na Madonna na BTS, aho we na Burna Boy bitezwe kuzongera gusubiramo indirimbo “Dai Dai” imbere y’abaturage benshi. Iki kizaba ubwa mbere mu mateka y’igikombe cy’Isi cya FIFA umukino wa nyuma ugira igitaramo cyo hagati, bikaba byiyongera ku mateka menshi “Dai Dai” imaze kwandika mu mwaka wa 2026.
