Umuhanzi The Ben yanejejwe cyane n’ibyo Anita Pendo yakoreye muri Ghana

Umuhanzi ukunzwe n’abatari bake Mugisha Benjamin wamenyekanye ku izina rya The Ben yagaragaje ko yishimiye bikomeye umunyamakuru Anita Pendo.

Abinyujije ku rukuta rwe rwa Instagram ahashyirwa ubutumwa bumara amasaha 24 uyu muhanzi uri mu bakunzwe cyane mu Rwanda, yatangaje ko atewe ishema na Anita Pendo, wegukanye igihembo cya ‘African Female Entertainment Show Host of the Year’ mu bihembo bya ‘Ladies in Media Awards 2023’ biherutse gutangirwa mu gihugu cya Ghana.

Abinyujije kuri ‘story’ ya Instagram ye, The Ben yashyizeho amafoto ya  Anita yasangije abakunzi be afite icyo gihembo, maze yandikaho ati:”Dutewe ishema nawe Pendo wacu!”.