Umuhanzi Mico the Best yasabye anakwa umukunzi we mu birori byitabiriwe n’ibyamamare (AMAFOTO)

Umuhanzi Mico the Best yasabye anakwa umukunzi we Ngwinundebe Clarisse yari aherutse kwambika impeta bakanasezerana imbere y’amategeko kubana nk’umugore n’umugabo.

Ubu bukwe bwa Mico The Best na Ngwinundebe Clarisse bwabaye kuri iki Cyumweru tariki 26 Nzeri 2021. Bwabereye mu Mujyi wa Kigali ahitwa Polyclinic St Robert hahoze hitwa Sky Hotel. Habanje imihango yo gusaba no gukwa hakurikiraho gusezerana imbere y’Imana.

Ubu bukwe bwatashywe n’ibyamamara bitandukanye birimo Cyusa Ibrahim uri no mu baburirimbyemo, Ndimbati, Uwamwezi Nadege na Emmanuel Ndayizeye wamenyekanye nka Nick muri City Maid n’abandi batandukanye.