HARAGIRIMANA Dieudonne
Umugabo yatumye abakoresha imbuga nkoranyambaga bamurakarira cyane nyuma yo gushaka kuneka ko umugore we amuca inyuma, maze atangira kwandikira abagabo b’inshuti z’umugore we kuri Whatsapp, ababwira ko abakunda yigize umugore we.
Uyu mugabo wo muri Nigeria bivugwa ko yari amaze igihe akeka ko umugore we amuca inyuma niko gufata telefoni ye atangira kujya yandikira inshuti z’abagabo umugore we afite kuri Whatsapp. Mu butumwa bwagiye hanze,yagaragaye yigize umugore we maze yandikira undi mugabo ati :”ndagukunda “.uwo mugabo byahise bimutungura maze akoresha utumenyetso(emoji )tugaragaza ko atunguwe.Hanyuma nyamugabo abonye ko iperereza rye rifashe ubusa yahise amwerurira ko yari mu igerageza ,ko atsinze ikizamini yamukoreshaga.
Abakoresha imbuga nkoranyambaga babonye ubu butumwa banenze cyane uyu mugabo washatse kuneka umugore we muri ubu buryo ,ndetse bamwe bibaza icyo yari gukorera umugore we iyo uriya mugabo asubiza ati:”nanjye ndagukunda” abandi bamusaba kwitonda kuko atazajya ahora acunga umugore we,ahubwo ko ikizere aricyo cyubaka urukundo rutajegajega.
