Moïse Habanabashaka
Uko Selena Gomez yacitse ku mbuga nkoranyambaga bitewe na Hailey umugore wa Justin Bieber.
Selena Gomez wamamaye mu mwuga we w’ubuhanzi yavuze ko yacitse kuri Instagram kubera ahashize.
Uyu muhanzikazi wakanyujijeho na Justin Bieber bigatinda yavuze ko ibi byose yabitewe n’abafana bahoraga bamugereranya n’umugore wa Justin Bieber.
Selena Gomez avuga kuri ibi yagize ati “Nkimara gutandukana na Justin Bieber ntabwo imbuga nkoranyambaga zanyoroheye. Aho narebaga hose nabonaga inkuru ze na Hailey gusa icyambangamiraga cyane n’uko abantu benshi batugereranyaga.”
“Iyo nashyiragaho ifoto yanjye bahitaga batangira kungereranya na Hailey bavuga ibyo andusha cyangwa ko ntaho mpuriye nawe ariyo mpamvu Justin yamushatse’’.
Muri iki kiganiro yakomeje agira ati “Mu by’ukuri sinashakaga kuvuga nabi Hailey cyangwa kumwubahuka nsubiza abatugereranya nahisemo gushaka umuntu uzajya azikoresha mu myaka 5 ishize kuko ntari gukomeza kwihanganira ibyo batuvugagaho’’.
Uyu muhanzikazi kandi yavuze ko nubwo ibi byose byabaye mu myaka yatambutse ariko na nubu hari abagikomeza kunsanisha n’umugore wa Justin Bieber.
