HARAGIRIMANA Dieudonne
Nyuma yuko ikipe ya Real Madrid itakaje abakinnyi bayo bakomeye, ndetse ikaba itarasinyisha umukinnyi ukomeye nkuko byari byitezwe muri iyi mpeshyi, kurubu umutoza w’iyi kipe ahangayikishijwe bikomeye nuko umukinnyi yari yitezeho kuzasimbura Cristiano Ronaldo mu gihe kizaza ashobora gusohoka muri iyi kipe aho ashaka ikipe izajya imuha umwanya wo gukina uhoraho kugirango agaragaze impano ye.
Amakuru dukesha ikinyamakuru Don Ballon cyo muri Espagne aravuga ko umukinnyi Marco Asensio ashaka kuva mu ikipe ya Real Madrid akerekeza mu gihugu cy’ubwongereza nyuma yuko ikipe ya Manchester United na Arsenal zagaragaje ko zimwifuza kandi ko zizamuha umwanya uhoraho wo gukina mu gihe azaba ari muzima. Uyu musore akimara kumva iby’iyi nkuru yihutiye kujya mu buyobozi bwa Real Madrid kugirana ibiganiro kugirango barebe uko bamushakira umwanya uhoraho mu kibuga cyangwa se bakaba bamureka akigendera. Umutoza Zidane yahangayikishijwe n’imyivumbagatanyo yuyu mwana kuko atamwizeza umwanya uhoraho kandi amubonamo umukinnyi ukomeye w’ejo hazaza. Tukaba dutegereje kureba uko iby’uyu musore bizarangira.
