HARAGIRIMANA Dieudonne
Umuhanzi Mbonyicyambu Israel wamamaye nka Israel Mbonyi mu ndirimbo zo kuramya no guhimbaza Imana yakomereje urugendo rw’ibitaramo byo kumurika album ye mu gihugu cya Australia ,nyuma yo gutaramira Abarundi agataha batanyuzwe.
Israel Mbonyi azakorera ibitaramo 5 mu gihugu cya Australia mu mijyi itandukanye , irimo umujyi wa Brisbane azaheraho kuri uyu wa gatandatu tariki 14 Mutarama 2023 , nyuma akazakurikizaho Sydney ku cyumweru tariki 21 Mutarama 2023 , akomereze Perth ku itariki 28 Mutarama 2023 ari nacyo gitaramo kizasoza ukwezi kwa mbere.
Mu kwezi kwa Gashyantare , Israel Mbonyi azahera mu mujyi wa Melbourne ku itariki 4 ,,kikazabera mu gace ka Williamstown ,hanyuma urugendo rwe rw’ibitaramo arusoreze Adelaide ku itariki 11 Gashyantare 2023.
Israel Mbonyi amaze iminsi amurikira abakunzi be album yise “icyambu” ,mu mujyi wa Kigali yayimurikiye abakunzi be muri Bk Arena irakubita iruzura ahita aba n’umuhanzi nyarwanda wambere wujuje Arena kuva yakubakwa”
