THIERRY Mugiraneza
Abafan b’ikipe ya Manchester United,bakomeje kwifatira ku gahanga rutahizamu wabo wagaragaye akora ku birango bya Liverpool.
Iminsi ishize ari ibiri ikipe ya Manchester United ibatijwe Nyandwi mu mukino yakubiswemo na Liverpool ibitego 7 ku busa.
Ku Cyumweru nibwo Manchester United yasuye Liverpool ku kibuga Anfield.
Manchester United iza kurya umuba w’ibitego 7 bitsinzwe na Darwin Núñez Cody Gakpo na Mohamed Salah bibiri bibiri ndetse na kimwe cya Firmino.
Agahinda katarashira mu bafana ba Manchester United haje kuza ifoto igaragaza rutahizamu wabo, Wout Weghorst afata ku birango bya Liverpool ubwo amakipe yasohokaga mu rwambariro aje mu kibuga.
Iyi foto yababaje abafana ba Manchester United, ibitekerezo batanze ni ukwijujutira Weghorst banamushinja ko y’abahombeye kuko amaze gutsinda igitego kimwe mu mikino 14.
