THIERRY Mugiraneza
Ikipe ya Manchester City itozwa n’umutoza Pep Guardiola yaraye yongeye gushimangira ko yifatiye Arsenal nk’insina ngufi yo gucaho ikoma. Ibi indimbura za City zaraye zibigaragaje ub
wo yatsindaga Arsenal igitego kimwe ku busa mu mukino w’ijonjora rya kane rya FA Cup.
Uyu mukino wabaye mu ijoro ryakeye ubera kuri Ethihad Stadium ikibuga cy’ikipe ya Manchester City. Arsenal yari yageze mu ijonjora rya kane ( 4th round) nyuma yo gusezerera ikipe ya Oxford United mu ijonjora rya gatatu iyitsinze ibitego bitatu ku busa, Manchester City yo yari yatsinze ikipe ya Chelsea ibitego bine ku busa.
Gutsinda kwa Manchester City ku mugoroba igitego kimwe ku busa cyatsinzwe na Nathan Ake ku munota wa 64 ahawe umupira na Jack Grealish . Byashomangiye ko Mikel Arteta utoza Arsenal afite akazi kenshi ko kwiga uburyo yazatsinda Pep Guardiola, imikino 7 Arteta amaze gutoza Arsenal ahura na Manchester City yatsinzwemo 6 atsinda umwe kandi Arsenal ibasha kwinjiza ibitego bitatu byo nyine mu izamu rya Manchester City mu gihe City yo yatsinze Arsenal ibitego 15.
Muri rusange mu mikino 14 iheruka guhuza Manchester City na Arsenal, Manchester City yatsinzemo imikino 13 ikipe ya Arsenal itsinda umwe gusa.
