Munyanshoza Dieudonne yerekeje muri Amerika

Umuhanzi w’umwanditsi w’indirimbo Munyanshoza Dieudonné wamenyekanye nka Mibirizi yerekeje muri Leta Zunze Ubumwe za Amerika, aho yagiye kuririmbira muri Leta zigize iki gihugu mu bikorwa bijyanye no Kwibuka ku nshuro ya 29 Jenoside yakorewe Abatutsi muri Mata 1994.

Uyu muririmbyi yahagurutse ku kibuga cy’indege Mpuzamahanga cya Kigali i Kanombe, ahagana saa saba z’ijoro ryo kuri uyu wa Gatanu tariki 28 Mata 2023 yerekeza muri Amerika.

Agiye kuririmbira muri Leta ya Arizona ku wa 30 Mata 2023, muri Leta ya Orego ku wa 13 Gicurasi 2023 no muri Leta ya muri Maine mu gutaha Urwibutso rwa Jenoside yakorewe Abatutsi, ku wa 6 Kamena 2023.