Kunganya na Mozambique tugatsindwa na Senegal ntacyo byatanze imbere ya FIFA

Nkuko abantu bamaze kubimenyera, FIFA buri kwezi itangaza uko amakipe y’ibihugu ahagaze ku isi hose.

Kuri iyi ncuro nyuma yo gutsindwa na Senegal tukanganya na Mozambique ntacyo byavuze imbere ya FIFA dore ko u Rwanda rwahamye ku mwanya rwari rusanzweho.

Ibihugu 10 bya mbere ni Brazil, u Bubiligi, Argentine ubushize yari iya 4, France ubushize yari iya 3, u Bwongereza ni ubwa gatanu, Spain ni iya 6 ubushize yari 7, Italy ni iya 7 yasubiye inyuma umwanya 1, u Buholandi bwa 8 bwazamutseho imyanya 2, Portugal ya 9 yasubiye inyuma umwanya umwe na Denmark ya 10 yazamutse umwanya umwe.

Ku ruhande rw’u Rwanda ntirwazamutse cyangwa ngo rusubire inyuma aho ubushize rwari urw’136 akaba ari ho rwagumye.

Muri Afurika igihugu kiri hafi ni Senegal iri ku mwanya wa 18 ku Isi, icya kabiri ni Maroc ya 22, Tunisia ya 30, Nigeria ya 31, Cameroun ya 38, Misiri ya 40.

Muri aka karere k’Afurika y’Iburasirazuba Uganda ni yo iyoboye aho iri ku mwanya wa 90 ku Isi na 18 muri Afurika, Kenya 102 na 22 muri Afurika, Tanzania 131 ku Isi na 38 muri Afurika, Rwanda 136 na 40 muri Afurika, Ethiopia 139 na 41 muri Afurika, Burundi 140 na 42 muri Afurika, Sudani y’Epfo 165 na 47 muri Afurika.