Kigali:umugore yasanze umugabo we asambana n’inkumi muri lodge intambara irarota

Ibi byabaye kuwa gatanu tariki 09 Nzeri 2022 aho uyu mugore yasanze umugabo we ari gusambanira muri Lodge iherereye mu Murenge wa Rwezamenyo mu karere ka Nyarugenge maze agashaka kurwana n’inkumi yari kumwe n’umugabo we bamuca inyuma.

Ababibonye batangaje ko uyu mugabo atari yaraye iwe mu karere ka Gasabo, Remera ndetse umugore yaraye amuhamagara ariko akanga kumwitaba.

Bavuga ko ibi byatumye umugore we agira impungenge z’uko umugabo we yaba yagize ikibazo maze undi mugore baturanye aba ariwe umubwira ko ubwo yari i Nyamirambo yamubonye agiye muri Lodge iherereye i Nyamirambo ari kumwe n’umukobwa.

Bavuga ko ibi byatumye uyu mugore azindukira i Nyamirambo nyuma y’aho bamurangiye Lodge umugabo we babonye yinjiramo, maze asanga ari kumwe n’umukobwa mu cyumba ndetse kubera umujinya ashaka kumukubita.

Bivugwa ko uwo mugabo nawe yashatse gukubita umugore we amubwira ko atamushinzwe abantu bari bahuruye bahita babakiza bamubwira ko ari umunyamafuti cyane ndetse yibeshye akamukoraho ariwe bahita bakubita ahubwo.