Kanombe-Kicukiro:biteye ubwoba umugabo yasanzwe mu nzu iwe yateraguwe ibyuma byinshi

Mu ijoro ryo kuri uyu wambere, Twagirayezu Theogene uri mu kigero cy’imyaka 42 y’amavuko wo mu Murenge wa Kanombe, mu Karere ka Kicukiro yishwe n’abantu bataramenyekana bamusanze mu nzu bamuteragura ibyuma.

Ibi byabaye ahagana saa cyenda z’igitondo cyo kuri uyu wa Mbere, tariki 21 Ugushyingo 2022, mu Mudugudu wa Mulindi, Akagari ka Kabeza, Umurenge wa Kanombe.

Umugore we yasohotse atabaza abaturanyi, avuga ko umugabo apfuye, Kuri ubu abokoze ubu bugizi bwa nabi ntibaramenyekana , ariko inzego z’umutekano zikomeje iperereza ngo hatahurwe abakoze ibi.

Inzu babagamo iri mu gipangu kibamo n’izindi nzu zibamo abandi bantu, Umurambo wa nyakwigendera wajyanywe ku Bitaro bya Kacyiru kugira ngo ukorerwe isuzuma.