HARAGIRIMANA Dieudonne
Isingizwe Mutabazi Sabine uri mu bakobwa 20 bageze mu mwiherero w’irushanwa rya Miss Rwanda 2022 ,yagaragaje umuhungu yihebeye , anatanga ikifuzo ku Mana muri uyu mwaka wa 2023.
Yifashishije urubuga rwe rwa instagram Mutabazi Sabine yashyize hanze amafoto 2 arikumwe n’umusore , bambaye imyenda yiganjemo ibara ry’umukara ,maze ayo mafoto ayaherekeresha amagambo agira ati:” Imana itugumishe turi beza kuri buri umwe”.
Umusore witwa Kevin Shafi Musemakweli warikumwe na Sabine ku ifoto yahise ajya ahatangirwa ibitekerezo (comments) ,agaragaza ko iryo sengesho nawe rinyuze umutima maze yandika agira ati: “Amen Baby”.
Nibwo bwa mbere Mutabazi Sabine agaragaje umusore yihebeye nyuma y’abandi bakobwa baciye mu irushanwa rya Miss Rwanda bamaze igihe mu munyenga w’urukundo barimo Miss Ishimwe Naomi ,ndetse na Akaliza Amanda.
