in

Igikombe cy’isi: Mu mukino utaryoheye amaso u Bwongereza bunaniwe kwikiranura na USA

U Bwongereza bunganyije na USA ubusa ku busa mu mukino wo mu itsinda rya kabiri mu gikombe cy’Isi.


Ni umukino watangiye ku isaha ya saa tatu z’ijoro wari wabanjirijwe n’uwahuje Wales igatsindwa na Iran Ibitego bibiri ku busa.
Abakinnyi babanjemo ku ruhande rw’u Bwongereza.
Abakinnyi babanjemo b’u Bwongereza

England XI: Pickford; Trippier, Stones, Maguire, Shaw; Bellingham, Rice; Saka, Mount, Sterling; Kane.
Umukino wabereye kuri Al Bayt Stadium utangira USA ariyo itangije umupira.
Abakinnyi babanjemo ku ruhande rwa USA.

Abakinnyi babanjemo ba USA

USA XI: Turner; Dest, Zimmerman, Ream, Robinson; McKennie, Adams, Musah; Weah, Wright. Iminota 10 ya mbere yaranzwe no kwiharira umupira kuko ku munota wa 10 Harry Kane yateye umupira ariko myugariro wa USA arawurenze, u Bwongereza buteye koroneli bayitera nabi.
Abafana bari bose

USA yakomeje igerageza gushaka amahirwe yo gutsinda ku munota wa 25 Mc Kennie yateye ishoti rica hejuru y’izamu.
Ku munota wa 28 Musah wa USA yongeye gutera ishoti riremereye ariko Pickford ufatira u Bwongereza arahagoboka.
USA yakomeje kwataka kuko ku munota wa 33 Pulisic yihambuye umuzinga w’ishoti ariko ugakubita igiti k’zamu ukarenga.
Ku munota wa 41 Serge Dest wa USA yinjiye mu rubuga rw’amahina rw’u Bwongereza ariko acenze abakinnyi Maguire arahagoboka umupira arawuyobya urarenga.

U Bwongereza bwahise bukanguka kuko ku munota wa 45 Luke Shaw yahaye umupira mwiza Saka ariko awutera nabi.
Mu munota 2 bongeyeho mu gice cya mbere Mason Mount yateye ishotu riremereye ariko Turner ufatira USA arawurenze.

Igice cya kabiri cyatangiye USA ishaka igitego hasi kubura hejuru kuki ku munota wa 48 Mc Kennie yateye ishoti riremereye ariko Rica hejuru y’izamu.
Hagati y’umunota wa 60 na 65 USA yatatse bikomeye kuko byibuze yabonyemo koroneli eshanu ariko bazitera Maguire na Pickford bakahagoboka.
Pickford atabara

Umukino wakomeje amakipe yose ashaka igitego ariko hakabura uwanyeganyeza incundura.
Ku munota wa 84 u Bwongereza bwabonye kufura ariko Shaw ayiteye ayitera navi cyane.
Ku munota wa 86 Grealish yahaye umupira Rashford,awuteye awutera mu biganza by’umuzamu wa USA.
Umusifuzi yongeyeho iminota 4 y’inyongera u Bwongereza bubonamo kufura ariko bayitera nabi.
Umukino urangira Ari ubusa ku busa.

Subscribe
Notify of
guest
0 Comments
Inline Feedbacks
View all comments

Umuhanzi Chriss Eazy avuze amagambo akomeye kuri Yanga

Nyuma yo gutsinda Argentina abakinnyi ba Arabia Saudite umwami yabagororeye