HARAGIRIMANA Dieudonne
Umuryango w’umunyamakuru Kamatari Murenzi wamenyekanye cyane mu biganiro by’imyidagaduro nka Mc Nzi Kuri Contact Fm n’umugore we Rudakenga Aline uri mu byishimo nyuma yo kwibaruka umwana w’umukobwa.
Aba bombi bamaze imyaka itatu barushinze mu gitondo cyo kuri uyu wa kane tariki ya 9 Nzeri 2021 nibwo batangaje ibyishimo byo kwibaruka imfura yabo y’umukobwa bise Lyza Keza Kamatari
Uyu mugabo yifashishije urubuga rwe rwa Instagram Mc Murenzi yasangije abamukurikira ibyishimo afite yandika amagambo y’ibyishimo kuri Instagram ye aho yagize ati ““Imana ishimwe yo yaduhaye imfura yacu, ubu nakumva uburyohe bwo kuba umu papa.”
MC Murenzi amaze imyaka 10 avuye mu Rwanda, aho yabanje gutura muri Leta Zunze Ubumwe za Amerika, aho yarangirije kaminuza mu ishuri rya Hudson Valley Community College i New York.
Yaje kwimukira muri Canada mu gihe yiteguraga ubukwe kuko ariho umufasha we yari atuye, aha ni naho habereye umuhango wo gusaba no gukwa.
