GUTER
Nyuma yo kumenyesha Jorge Paixão ko batazakomezanya, Rayon Sports yamaze gusinyisha umutoza mushya aho yahise yizanira nabo bazajya bakorana.
Bidasubirwaho ikipe ya Rayon Sports yamaze gusinyisha Haringingo Christian Mbaya watozaga ikipe ya Kiyovu Sports aho yahise azana nabo bakoranaga muri iyo kipe.
Ku icyumweru tariki ya 19 Kamena 2022, nibwo Haringingo n’abatoza bamwungirije basinye mu ikipe ya Rayon Sports.
Amakuru dukesha Radiotv10 ni uko ejo ku Cyumweru tariki 19 Kamena 2022, ubuyobozi bwa Rayon Sports bwasinyishije abatoza bane aribo umutoza mukuru Haringingo Francis Christian, umutoza wungirije Rwaka Claude, umutoza w’abazamu Niyonkuru Vladimir n’umutoza ushinzwe kongerera ingufu abakinnyi ariwe Nduwimana Pablo.
Aba batoza bose Rayon Sports yasinyishije nibo bafashije ikipe ya Kiyovu Sports kurangiza ku mwanya wa kabiri irushwa inota rimwe na Apr Fc yegukanye igikombe cya shampiyona.
