HARAGIRIMANA Dieudonne
Biratangaje! Youseff Rharb wageze mu Rwanda yatangaje ikintu agiye gukorera Rayon Sports ndetse n’akarusho azanye gatandukanye na mbere
Umunya-Marocoo Youseff Rharb wari utegerejwe i Kigali yamaze kuhagera, atangaza ibintu agiye gukorera Rayon Sports nyuma y’igihe kinini byarabuze.
Kuri iki cyumweru mu masaha ya saa kumi n’ebyiri z’umugoroba nibwo rutahizamu mushya w’ikipe ya Rayon Sports Youseff Rharb yageze hano mu Rwanda nyuma y’urugendo rurerure yakoze ava iwabo ndetse igihe cyari giteganyijwe ntabe ari cyo ahagerera.
Akigera ku kibuga cy’indege cya KIGALI i Kanombe uyu munya-marocoo yakiriwe n’abayobozi ba Rayon Sports ndetse n’abamwe mu bakunzi b’iyi kipe ariko Yousef Rharb yaje gutangaza ko agiye gufasha Gikundiro gutsinda imikino myinshi ishoboka.
Yagize Ati ” Nishimiye kugaruka mu Rwanda, nje gufasha ikipe ya Rayon Sports gutsinda imikino myinshi uko bi kose, mwitege Youseff Rharb mushya w’umunyamwuga kurushaho.”
Youseff Rharb yitezweho gushimisha abafana ba Rayon Sports mu buryo bwose haba kubereka umupira uryoheye amaso ndetse urimo no gutsinda ibitego byinshi cyane ko iyo urebye uko asigaye ameze ubona ko hari icyahindutse bitandukanye ni uko yari ameze akiri hano mu Rwanda.
