Biratangaje: Umugabo yazinutswe inkumi ashyingiranwa n’imashini iteka umuceri(AMAFOTO)

Uyu mugabo wo muri Indonesia yahisemo gufata umwanzuro wo gushyingiranwa n’imashini ye iteka umuceri nyuma y’igihe ahemukirwa n’inkumi mu rukundo ibintu byatangaje abantu .

Ku mbuga nkoranyambaga no mu bitangazamakuru bitandukanye, hagaragaye umugabo wakoze ubukwe ari wenyine akambika agatimba icyuma cye giteka umuceri (Ricecooker).

Uyu mugabo witwa Khoirul Anam wo mu gace ka Magelang, icyamuteye gushakana n’igikoresho cyo mu gikoni giteka umuceri, avuga ko yababaye mu rukundo agafata umwanzuro ko atazakora ubukwe n’umuntu, mu kwanga ko azahera mu bugaragu yahisemo gushyingiranwa na Ricecooker kugira ngo anafate Certificate yo kuba yarakoze ubukwe.