Biratangaje cyane: impeta Sheri we yabuze yayibonye nyuma y’imyaka 41

Nyuma y’imyaka 41 yose abuze impeta umukunzi we yaje kuyibona.

Mu 1981, Noël yabuze impeta yari yarambitse umugore we, Annie-Marie bari bamaze imyaka ine bashyingiranwe. Mu buryo butangaje, uyu mugabo yabashije gutoragura iyo mpeta mu karima k’igikoni hashize imyaka 41 ayibuze.

Umuryango w’aba bombi ubusanzwe utuye ahitwa Saint-Martin-en-Haut mu gace ka Rhône ko mu Bufaransa.

Uyu mugabo yavuze ko yabonye iyo mpeta ubwo yari ari kuvana ibyatsi muri karoti, nyuma ahita yihutira kujya kuyisubiza ku rutoki rw’umugore we yari yarayambitse mu myaka 45 ishize.

Ibi bintu byatunguye umugore cyane kuko atari yanabashije guhita atahura ko ari yo mpeta yari yarambitswe ubwo yashyingirwaga, ariko aza kubibwirwa n’amagambo yari yanditsemo imbere muri iyo mpeta ya zahabu.