Epaphrodite Nsengimana
Icyamamare muri muzika ya Nigeria, Abimbola Oladokun wamamaye nka Bayanni yatumiwe i Kigali mu gitaramo azahuriramo n’itsinda rya Symphony Band.
Iki gitaramo kizaba tariki 12 Werurwe 2023, kibere ahitwa Boogaloo. Byitezwe ko kizaririmbamo Bayanni n’itsinda rya Symphony Band bazaba bafatanya na DJ Tyga.
Abinyujije ku mbuga nkoranyambaga akoresha, Bayanni yari aherutse gutangaza ko agiye gukora ibitaramo bizenguruka Afurika y’i Burasirazuba, mu minsi ishize akaba yari yataramiye muri Tanzania.
Bayanni uzwi mu ndirimbo nka ‘Ta Ta Ta’ ari nayo yamamaye cyane, ni umusore w’imyaka 26 wamenyekanye cyane guhera mu 2021.
