Atari kumwe n’umugore we Knowless, Ishimwe Clement yakorewe ibirori by’isabukuru y’amavuko (Videwo)

Producer Ishimwe Clement wamamaye mu gukora indirimbo z’ababanzi bakomeye ndetse akaza no gushinga inzu ifasha abahanzi mu bya muzika ya Kina Music yakorewe ibirori byo kwizihiza isabukuru nziza y’amavuko.

Ni ibirori byabaye ku munsi w’ejo hashize tariki ya 1 Nzeri 2022 bibera mu gihugu cya Canada aho uyu mugabo ari kubarizwa we n’umuhanzi we, Nel Ngabo.

Ku munsi w’ejo hashize tariki ya 1 Nzeri 2022 nibwo Clement yagize isabukuru nziza y’amavuko aho umugore we, Butera Knowless yabaye uwa mbere wamwifurije kugira isabukuru nziza y’amavuko.

Kuri ubu Ishimwe Clement na Nel Ngabo bari kubarizwa mu gihugu cya Canada aho bagiye gukora yo igitaramo mbaturamugabo giteganyijwe kuri uyu wa Gatandatu tariki ya 03 Nzeri 2022.