APR FC ihagamwe na Kiyovu Sport

Ikipe ya APR FC yanganyije na Kiyovu Sport Ibitego bibiri kuri bibiri ku mukino w’umunsi wa cumi.

Ni umukino watangiye ku isaha ya saa kumi n’ebyiri z’umugoroba itangira APR FC ariyo yataka cyane kuko bidatinze ku munota wa 14 Niyibizi Ramathan yateye koroneli nziza Mugisha Bonheur batazira Casemiro ashyiramo umutwe umuzamu wa Kiyovu Sport ntiyamenya uko bigenze.
Kiyovu Sport yabaye nkikanguka ariko APR yari hejuru mu mukino kuko Aimable wa Kiyovu Sport yatakaje umupira, Byiringiro League wa APR FC aba arawufashe agenda wenyine acenga Djihad ndetse na Thierry atsinda igitego cya kabiri ku munota wa 24.

Ku munota wa 30 APR FC yabonye kufura ariko Niyibizi awuhaye Anicet awuteye uca hejuru y’izamu.
Igice cya kabiri cyatangiye ubona Kiyovu Sport ihinduye ibintu kuko ku munota wa 54 Mugenzi Beunvenie yatsinze igitego cya mbere cyo kwishyura biba bibaye kimwe kuri bibiri.
Kiyovu Sport yakomeje kwataka kuko nko ku munota wa 86 Riyad Nurudie yahaye umupira mwiza Mugenzi Beunvenie atsinda igitego cya kabiri biba bibaye bibiri kuri bibiri.
APR FC yabonye ko ibintu bihinduye isura itangira kwataka kuko ku munota wa 89 Ishimwe Christian yateye Kufura nziza ariko Djihad umuzamu wa Kiyovu arawufata.
Umusifuzi yongeyeho iminota 5 yinyongera, Kiyovu yabonye kufura ku munota wa 92 ariko bayitera nabi.
Iminota itanu y’inyongera yarangiye nta kipe n’imwe ibashije kubona igitego ki tsinzi umukino urangira ikipe zombi zinganya Ibitego bibiri kuri bibiri.