Epaphrodite Nsengimana
Nyuma y’igihe kirekire mu Rwanda humvikanye inkuru ya Dr Kanimba Vincent wamenyekanye mu kuvura indwara z’abagore yatabazaga asaba ubufasha bwo kwivuza kubera ko yari arembye cyane, aza kuvurirwa mu Buhinde none ubu yakize akaba ari mu Rwanda.
Mu ijwi riremereye kandi rifite imbaraga, Dr Kanimba yabwiye Murungi Sabin ko yaraye ageze mu Rwanda ndetse ko yakize.
Sabin yagize ati “Tuganiriye byinshi pe, byiganjemo kwisekera no kuvuga Imana. Muri macye, ambwiye ko tugomba gukora ikiganiro cyo gushimira Ati “Nshaka kugusanga kuri Galaxy hotel i Kigali, umfate Video ntambuka neza abantu babone uko Imana ikora!” Abivuze aseka cyane nanjye ndaseka.”
Murungi Sabin yaboneyeho gutangaza ko mu mwanya uri imbere arakira Dr Kanimba. Asaba abakunzi be ko niba hari ufite akabazo gato cyangwa ishimwe yarimuha akarimugerezaho.
Dr Kanimba yari arwaye indwara yitwa ‘Parkinson’, ifata iminsi igatuma umuntu asusumira/atitira none akaba yakize akaba agenda neza.
