Epaphrodite Nsengimana
Umusore w’imyaka 29 usanzwe ikina imikino ngororamubiri y’abafite ubumuga, witwa Chaturong Suksuk wo muri Thailand, yishe arashe umugeni we n’abandi bantu batatu, na we ariyahura, ku munsi w’ubukwe bwe.
Uwo mugabo yavuye mu birori by’ubukwe mu buryo butunguranye asubirayo afite imbunda, arasa umugore we witwa , nyirabukwe wari ufite imyaka 62 n’undi mugore w’imyaka 38 uvukana n’umugore we.
Polisi yabwiye BBC ko Chaturong yari yasinze cyane icyo gihe ariko ko icyamuteye gukora ibyo kitaramenyekana.
Polisi yongeyeho ko iyo mbunda n’amasasu yabiguze mu mwaka ushize mu buryo bukurikije amategeko.
Ibitangazamakuru byo muri Thailand byavuze ko uwo mugabo n’umugore we batonganye muri ibyo birori kandi ko Chaturong yumvaga afite ipfunwe kubera intera ndende y’imyaka iri hagati ye n’umugore we Kanchana.
